«FAÍSCAS dunha voz poética» Letras Galegas 2024. CHARLA – COLOQUIO con Xoán Carlos Domínguez Alberte (escritor).

«FAÍSCAS dunha voz poética» Letras Galegas 2024. CHARLA – COLOQUIO con Xoán Carlos Domínguez Alberte (escritor).

Compartir post

A visita do  afamado escritor e poeta galego Xoán Carlos Domínguez Alberte  foi un dos actos centrais da SEMANA das LETRAS GALEGAS 2024 celebrada no noso centro e que se adica este ano a Luísa Villalta. 

Domínguez Alberte foi presentado por Dª Teresa Iglesias,  mestra de Lingua e Literatura Galega do centro e antiga compañeira de estudos do autor.

Alberte%202
Xoán Carlos Domínguez Alberte e Dª Teresa Iglesias

Xoán Carlos brillou na celebración central  cunha intervención que deixou marabillosos reflexos da súa traxectoria literaria. Enfronte dun público composto por alumnado de 3º e 4º de ESO e 1º de Bacharelato, o autor compartiu os avatares da súa vida literaria, dende os primeiros pasos ata a actualidade.

O punto culminante da súa charla recaeu na súa última obra, o poemario titulado «FAÍSCAS» da que o propio autor recitou algúns versos. Alberte destacou a importancia deste volume como  unha obra que mergulla ao lector nun mundo de emocións e imaxes poéticas e revelou que «FAÍSCAS» non é só unha colección de versos, senón unha viaxe emocional e unha reflexión profunda sobre a vida, as súas dificultades e como afrontalas coa creación poética como medio. A obra está adornada con unhas fermosas ilustracións da filla maior do autor, Minia Domínguez, que engaden unha dimensión visual única á poesía envolvente de Xoán Carlos.

A intervención do autor foi acollida con entusiasmo e admiración polo público asistente, que tivo a oportunidade de afondar nas inspiracións e técnicas que marcan a obra deste grande da literatura galega contemporánea. Xoán Carlos Domínguez Alberte, coa súa eloquente presenza e as súas verbas cargadas de paixón polo idioma e a cultura galegas, deixou unha pegada inesquecíbel na Semana das Letras Galegas 2024 celebrada no Colegio LAR.

PHOTO 2024 05 15 14 37 10
2c3f80c7 27b5 4f45 a8c6 ad741536c713
O alumnado asistente

https://bibliotecaescolararia.blogspot.com/

Alberte%203

Más noticias que leer

Triciclo Lar

ISLAS CÍES – 3ºEd. Primaria

El pasado día 14 nuestro alumnado de 3º de Educación Primaria pudo disfrutar del premio conseguido en el certamen de dibujo “Faro da Escola” gracias

O Lar de Babylar

GRADUACIÓN INFANTIL (P5)

Los peques de 5 años se han graduado en infantil. ¡Que mayores! Sus profes están muy orgullosas de todos ellos y los echarán mucho de